اسلام آباد..قومی اسمبلی کے اجلاس میں سپریم کورٹ کے فیصلے کے خلاف قرارداد منظور
اسلام اآباد (دھرتی نیوز)پاکستان کی قومی اسمبلی کے اجلاس میں سپریم کورٹ آف پاکستان کے تین رکنی بینچ کے اس فیصلہ مسترد کرنے کی قرارداد منظور کی ہے جس میںکہا گیا تھا کہ حکومت پنجاب کی صوبائی اسمبلی کے انتخابات 14 مئی کو کروائے.اسمبلی سے منظور ہونے والی قرارداد میں تین رکنی بینچ کے بجائے فل کورٹ میں کیس کی سماعت کا مطالبہ کیا گیا ہے۔قرارداد کے متن کے مطابق ایوان سیاسی معاملات میں بےجا عدالتی مداخلت پر اظہار تشویش کرتا ہے، حالیہ اقلیتی فیصلہ ملک میں سیاسی عدم استحکام پیدا کر رہا ہے۔قرارداد کے مطابق وفاقی اکائیوں میں تقسیم کی راہ ہموار کر دی گئی ہے، ایوان سیاسی، معاشی استحکام کے لیے ایک ہی وقت پر عام انتخابات کو مسائل کا حل سمجھتا ہے۔ایوان تین رکنی بینچ کا اقلیتی فیصلہ مسترد کرتا ہے، ایوان دستور کے آرٹیکل 63 اے کی غلط تشریح اور اسے عدالت عظمیٰ کے فیصلے کے ذریعے ازسرنو تحریر کیے جانے پر شدید تشویش کا اظہار کرتا ہے۔قرارداد کے مطابق ایوان مطالبہ کرتا ہے عدالت عظمیٰ کا فل کورٹ اس پر نظر ثانی کرے.
